धनगढी- आज मनसुन केही सक्रिय रहने मौसमविदले पूर्वानुमान गरेका छन् । केही दिनयता चर्को घाम लागेकोमा आज देशभर साधारणतया बदली हुने हुँदा केही शीतल महसुस हुनेछ । त्यतिमात्र नभई आज धेरैजसो ठाउँमा मध्यम वर्षाको समेत सम्भावना रहेको छ ।
जल तथा मौसम विज्ञान विभागले मौसम आज धेरैजसो ठाउँमा मध्यम वर्षाको सम्भावना रहेको बताएका छन ।
भोलि र पर्सि भने गण्डकीदेखि पश्चिमका भूभागमा अलि बढी पानी पर्ने सम्भावना रहेको विभागले जानकारी दिएको छ। ‘आज धेरैजसो ठाउँमा मध्यम वर्षाको सम्भावना छ। मौसम विभागले भने भोलि गण्डकी, लुम्बिनी, कर्णाली र सुदूरपश्चिमका भूभागमा अलि धेरै पानी पर्ने सम्भावना छ ।
कुनै–कुनै ठाउँमा भारी वर्षा पनि हुनसक्ने छ । तर भारी वर्षा सबैतिर एकनासले नभई खण्डित रुपमा हुने विभागले जानकारी दिएको छ ।





