कैलाली कारागारमा एक थुनुवाकाे मृत्यु भएको छ ।
जबरजस्तीकरणी मुद्दामा पुर्पक्षमा रहेका टीकापुर नगरपालिका-४ का ५६ वर्षीय रामकिसन चाैधरीकाे साेमबार दिउँसो मृत्यु भएको कारागार प्रशासनले जानकारी दिएको छ ।
कारागारका जेलर प्रकाश ढुंगानाका अनुसार रिंगटा लागेकाे भनेपछि थुनुवा चाैधरीलाई उपचारका लागि दिउँसो साढे २ बजेतिर सेती प्रादेशिक अस्पताल लगिएको थियो ।
अस्पताल पुर्याइएको केहि समयमै चिकित्सकले चाैधरीलाई मृत घाेषणा गरेका थिए ।
उनकाअनुसार जबरजस्तीकरणी मुद्दामा थुनामा राखिएका चाैधरीलाई उच्च रक्तचापकाे समस्या थियो ।
ढुंगानाले चिकित्सकले उच्च रक्तचापकै कारण चाैधरीकाे मृत्यु भएकाे बताएका छन् । यद्यपि थप कुरा शव परीक्षणपछि मात्र खुल्ने बताए ।
प्रतििक्रया दिनुहोस
